Lunes. 24.06.2019 |
El tiempo
Lunes. 24.06.2019
El tiempo

Catro persoas feridas, dúas delas graves, nun accidente en Xinzo de Limia

Estado no que quedou un dos coches accidentados. TVG (Xinzo de Limia)
Estado no que quedou un dos coches accidentados. TVG (Xinzo de Limia)

O choque entre os dous vehículos produciuse na parroquia de Sabucedo, na recta de Lamas e Ponte Liñares

Catro persoas resultaron feridas, dúas delas graves, tras o choque entre dous vehículos en Xinzo de Limia (Ourense), nun sinistro ocorrido ao redor das 10.15 horas deste sábado. 

Así o informou o servizo de emerxencias do 112 Galicia que, tras ter constancia do sinistro, puxo a situación en coñecemento dos Bombeiros de Xinzo de Limia, dos axentes da Garda Civil de Tráfico, da Policía Local e Protección Civil da localidade e da Porqueira. 

O accidente produciuse en concreto na parroquia de Sabucedo, na recta de Lamas e Ponte Liñares. Un dos feridos tivo que ser liberado polos bombeiros de Xinzo de Limia. 

Até o lugar tamén se mobilizou ao helicóptero medicalizado con base en Ourense que, tras tomar terra nunha parcela próxima ao accidente, evacuou a dous feridos graves ao centro hospitalario de referencia. 

Así mesmo, o 112 informou ao persoal da empresa distribuidora de electricidade, debido á caída dun poste como consecuencia do accidente. 

Catro persoas feridas, dúas delas graves, nun accidente en Xinzo de...