Efectivos da Policía Local de Vigo instruíron dilixencias xudiciais contra un mozo de 17 anos que foi interceptado cando conducía un turismo sen seguro nin ITV, e á súa nai como cooperadora necesaria, ao ir como copiloto e carecer tamén do permiso de conducir. Foi sobre as 10.10 horas deste luns cando unha dotación que patrullaba pola rúa Portela deu o alto a un turismo que se atopaba nun estado de conservación "moi deficiente".
Así, os axentes comprobaron que o condutor era un menor, veciño de Vigo de 17 anos, e a copiloto a súa nai, nacida en Ferrol e veciña de Vigo de 42 anos, e ningún dos dous tiña permiso de conducir. Ademais, verificouse que o turismo carecía de seguro e non pasara a ITV. Por todo iso, instruíronselles dilixencias xudiciais.
DROGAS.Doutra banda, sobre as 0.30 horas deste martes realizouse a proba de drogas a un home de 65 anos que cometeu unha infracción de drogas na rúa Sanjurjo Badía, quen se atopaba baixo os efectos de cocaína e opiáceos; ás 1.40 horas foi interceptado outro condutor de 25 anos que deu positivo en THC; e ás 2.15 horas un mozo de 30 anos que consumira cocaína.
