Un home de nacionalidade portuguesa foi cazado pola Garda Civil en Verín cando viaxaba a bordo do seu ciclomotor transportando unha bombona de gas propano de 35 quilogramos. Ademais, o motorista deu positivo na proba de alcoholemia que lle realizaron os axentes, quen inmobilizaron o vehículo por ese motivo.
Os feitos tiveron lugar o pasado venres na N-532, ao seu paso pola localidade verinesa de Feces de Abaixo.
Agora, o home deberá afrontar unha multa total de 800 euros –500 por dar positivo en alcol, 200 polo transporte de obxectos que superen as medidas máximas permitidas para cada vehículo e 100 máis polo guindastre–.
Foi a propia Garda Civil quen converteu ao motorista en protagonista mediante unha das súas famosas publicacións en Twitter. "Un condutor de mercancías perigosas moi peculiar. Circulaba cunha bombona de propano de 35kg e deu positivo no control de alcoholemia. A Garda Civil de Tráfico de Verín inmobilizoulle o vehículo en Feces e denunciouno. #NoEsPorLaMulta = 800€", rezaba a mensaxe nesta rede social.
🧐 Un conductor de mercancías peligrosas muy peculiar. Circulaba con una bombona de propano de 35kg y dio positivo en el control de alcoholemia. La @guardiacivil de tráfico de Verín le inmovilizó el vehículo en Feces y lo denunció. #NoEsPorLaMulta = 800€
Vía: Diario do Tamega pic.twitter.com/O1ii4iZK7O— Guardia Civil 🇪🇸 (@guardiacivil) July 25, 2019