sábado. 05.12.2020 |
El tiempo
sábado. 05.12.2020
El tiempo

Centenares de coches percorren cinco cidades galegas en protesta contra a reforma educativa

Protesta contra a lei Celáa en Lugo. VICTORIA RODRÍGUEZ
Protesta contra a lei Celáa en Lugo. VICTORIA RODRÍGUEZ

Centenares de coches percorreron na mañá deste domingo cinco cidades galegas —A Coruña, Vigo, Ourense, Lugo e Ferrol— para protestar contra a reforma educativa, coñecida como lei Celáa, ao entender que atenta contra "a liberdade" e busca "a imposición dunha ideoloxía laicista impropia dun Estado non-confesional". As protestas desenvolvéronse en máis de 50 ciudades de toda España.

Convocados pola plataforma Máis libres. Máis plurais. Máis Iguais, os manifestantes ocuparon as estradas dos centros urbanos de cinco da sete grandes cidades galegas facendo soar o cláxon dos seus coches. 

Os organizadores da marea laranxa aseguran nun comunicado que en Galicia participaron "uns 10.000 vehículos" nuns actos que contaron co apoio do PP. As marchas, desenvolvidas entre as 11.00 e as 13.00 horas, finalizaron coa lectura dun manifesto no que denuncian que a reforma educativa "supón a eliminación de dereitos democráticos e liberdades". 

Así, chaman a defender a "complementariedad" das redes pública e concertada, á vez que acusan o Goberno de "abandonar" os profesionais destas escolas e dos centros de educación especial. "A través do control político da educación, estamos a asistir tamén a unha agresión á liberdade de conciencia a favor da imposición dunha ideoloxía laicista impropia dun Estado non-confesional", sinala o manifesto, no que reclaman "liberdade" para cursar relixión, unha materia que, segundo defende a plataforma, impártese "con absoluta normalidade" na actualidade. 

Así as cousas, avanzan que continuarán "denunciando o atropelo" e chaman ás forzas políticas a presentar "recursos de inconstitucionalidade" contra a Lomloe, que prevén levar as institucións europeas "en busca de amparo".

REUNIÓN EN PONTEVEDRA. Varios membros do PP, como en Lugo o deputado no Congreso Jaime de Olano ou na Coruña o vicepresidente da Cámara galega, Diego Calvo, asistiron cos seus vehículos ás marchas. 

En Pontevedra, a vicesecretaria de Política Social do PP, Ana Pastor, e os deputados Pilar Rojo, María Ramallo e Javier Bas mantiveron un encontro con representantes da educación concertada, aos que trasladaron o apoio dos populares ás súas reivindicacións. 

"A liberdade non é un privilexio, é un dereito e os pais teñen dereito a elixir a educación dos seus fillos, sen que outros decidan por eles", sinalaron ao termo da reunión.

Centenares de coches percorren cinco cidades galegas en protesta...
comentarios