jueves. 02.12.2021 |
El tiempo
jueves. 02.12.2021
El tiempo

Centos de persoas claman en Santiago contra a "privatización" da sanidade pública

Manifestación a favor da sanidade pública. ÓSCAR CORRAL (EFE)
Manifestación a favor da sanidade pública. ÓSCAR CORRAL (EFE)

Ao berro de "Queremos saúde!", os manifestantes condenaron os recortes. O músico Xurxo Souto leu un escrito no que pediu melloras urxentes

Varios centos de persoas manifestáronse na tarde deste sábado en Santiago de Compostela para protestar contra a xestión sanitaria da Xunta, os recortes e para condenar a privatización da sanidade pública ao berro de "Queremos saúde!". A marcha, que partiu da Estación de tren da capital galega, foi convocada por unha decena de colectivos de profesionais e pacientes defensores da sanidade pública e universal.

Ao longo da protesta, que transcorreu sen incidentes polas rúas de Compostela, escoitáronse consignas como "a sanidade é da xente e non dos dirixentes", "Feijóo escoita, a saúde está en loita" ou "O Meixoeiro, querémolo enteiro".

A manifestación concluíu na Praza da Quintana, onde o músico Xurxo Souto foi o encargado de ler un manifesto no que criticou a "falta de reposición" das prazas de profesionais da saúde pública ou o "peche de camas" nos hospitais durante os meses de verán.

Ademais, Souto expresou o rexeitamento ao "abandono da atención primaria", así como "á división en cidadáns de primeira e segunda clase" e a consecuente discriminación dos habitantes dos núcleos do rural.

"Aínda que digan que non, están a privatizar a sanidade pública. O mantemento, os servizos de hostalaría, as ambulancias... O 25 por cento da sanidade pública está xa en mans privadas", alertou o músico no comunicado.

Centos de persoas claman en Santiago contra a "privatización" da...
comentarios