Un mozo foi atropelado en Teo logo de invadir un coche unha terraza na que se atopaba tomando algo tranquilamente. No vehículo viaxaban unha muller e a súa filla.
Segundo a información facilitada ao 112 Galicia, o sinistro ocorreu ás 20:40 horas deste xoves nunha cafetería da Travesía de Montouto.
O incidente produciuse cando a muller que conducía o vehículo manobraba para estacionar e, supostamente, confundiu os mandos do seu coche e acabou acelerando contra as cadeiras e mesas da terraza do local.
Por sorte no atropelo só unha persoa resultou ferida, que foi evacuado polo 061-Urxencias Sanitarias ao complexo hospitalario de referencia, aínda que as súas feridas non revestían gravidade.