A tempada oficial de caza para o xabaril abrirase en Galicia este sábado, 24 de agosto, e prolongarase ata o próximo 29 de febreiro, polo que esta práctica permitirase durante un mes máis que o ano pasado, cando terminou o 3 de febreiro.
Segundo informou a Xunta a través dun comunicado, a ampliación do período hábil para poder cazar esta especie é unha das principais novidades da actual tempada cinexética e responde a unha proposta realizada polo propio sector no seo do Comité Galego de Caza como medida de control poboacional, ante "a sobreabundancia de exemplares" detectada na comunidade.
Así consta na resolución publicada o pasado 31 de maio e pola que determínanse as épocas hábiles de caza, as medidas de control por danos e os réximes especiais por especies que rexerán durante a tempada 2019/2020.
Ao marxe da tempada hábil para a caza do xabaril, a Consellería de Medio Ambiente poderá seguir autorizando de forma puntual medidas de control por danos causados
Concretamente, e segundo o réxime especial aprobado no caso do xabaril, o período hábil para os terreos de réxime cinexético especial abarcará desde este sábado ata o 29 de febreiro de 2020 e poderá cazarse os xoves, sábados, domingos e festivos.
En canto aos terreos de réxime cinexético común, o prazo fixado no caso concreto do xabaril estenderase desde este sábado ata o 31 de agosto e do 7 de xaneiro ata o 29 de febreiro do próximo ano todos os xoves, sábados, domingos e festivos. Do 1 de setembro ao 6 de xaneiro de 2020 será unicamente os sábados. Para rematar, nos terreos de réxime cinexético especial, permitirase tamén a caza desta especie na superficie destinada a vedado de caza.
Por outra banda e ao marxe da tempada hábil para a caza do xabaril, a Consellería de Medio Ambiente poderá seguir autorizando de forma puntual medidas de control por danos causados polo xabaril. Esta é unha posibilidade prevista na Lei de Caza de Galicia co fin de reducir os danos producidos por esta especie silvestre a través de batidas.
