O Servizo Marítimo Provincial da Garda Civil da Coruña comisou sete sacos de rede con 49,21 quilos de percebe no seu interior, o vehículo utilizado para o seu transporte e os útiles empregados para a súa extracción na localidade coruñesa de Porto do Son.
Efectivos do Servizo Marítimo Provincial, en colaboración con dous axentes de Gardacostas e os Gardas rurais da Confraría de Porto do Son, montaron un punto de vixilancia na zona de Castro de Baroña, informa este venres a Garda Civil.
Localizaron a varios individuos extraendo percebes e un vehículo estacionado nas proximidades. Seguidamente, observaron como saían da auga e introducían no maleteiro os equipos e capturas, antes de iniciar a marcha.
Segundo a súa versión, el realizaba os labores de vixilancia e identificou aos outros dous individuos, que eran os que realizaban a extracción
Cando lle deron o alto ao vehículo, o condutor iniciou a fuxida a gran velocidade, manobrando de forma temeraria, polo que os axentes seguiron ao vehículo ata que o localizaron mal estacionado na praia de Boa coas capturas e neoprenos no interior, pero sen ocupantes.
Pouco despois, no momento no que os axentes ían trasladar todo o incautado a dependencias policiais, apareceu un individuo que explicou que ía no interior do turismo xunto con dúas persoas que se deron á fuga, que o vehículo era propiedade da súa muller e que quería recuperalo.
Segundo a súa versión, el realizaba os labores de vixilancia e identificou aos outros dous individuos, que eran os que realizaban a extracción. Os axentes procederon á incautación das capturas, os útiles empregados e o vehículo.
Os percebes incautados foron entregados nun centro benéfico.
