O Concello de Valga denunciou ante a Garda Civil o roubo de dous cisnes negros en Mina Mercedes. É a segunda subtracción de aves na lagoa en apenas cinco meses, polo que os novos exemplares, liberados na antiga canteira recentemente, foran dotados de microchip.
O goberno local móstrase indignado e pide aos veciños que informen sobre calquera dato sospeitoso. Os traballos céntranse agora en intentar localizar os animais roubados, para o que se intentará solicitar todo tipo de datos que poidan servir de utilidade.
"O goberno local fai un chamamento á colaboración cidadá", explica o consistorio nun comunicado no que se dirixe expresamente aos residentes no contorna da Mina Mercedes e aos usuarios da área de esparexemento: "Se alguén viu nas últimas horas algún movemento estraño ou detectou a presenza de persoas sospeitosas, pode chamar ao Concello (986 55 94 56) ou a Protección Civil (630 95 25 25) para informar".
