O Xulgado de Instrución número 3 de Vilagarcía de Arousa condenou 100 días de prisión a un home por abandonar este xoves ás 18.30 horas o seu domicilio sen motivo aparente e saltarse deste xeito o confinamento obrigatorio pola pandemia do coronavirus.
O acusado, segundo consta na sentenza, divulgada polo Tribunal Superior de Xustiza de Galicia, xa fora denunciado administrativamente os días 16, 21 e 23 de marzo por quebrantar as restricións impostas polo estado de alarma e saír á rúa sen motivo aparente.
A xuíza decretou a suspensión da pena imposta ao investigado durante tres anos, condicionada a que non delinca durante ese período.
O sospeitoso mostrouse conforme coa pena, polo que non recorrerá a resolución.
A xuíza, que o considera responsable dun delito de desobediencia, indica na súa sentenza que actuou "a propósito" da vixencia do estado de alarma no territorio nacional, "con absoluto menosprezo" á limitación da liberdade de circulación que fora imposta e "sen causa xustificada”.
O condenado foi interceptado este xoves por catro axentes da Policía Nacional cando saía do portal do inmoble no que reside.
