A sala civil e o penal do Tribunal Superior de Xustiza de Galicia (TSXG) desestimou o recurso de apelación interposto por Juan Fraga, condenado por asasinato a vinte anos de cárcere por ser autor do crime de Narón, que se saldou coa morte da súa esposa.
O Alto Tribunal galego recordou este xoves que un "xurado popular considerou probado que golpeou á súa muller e despois degolouna cun coitelo por detrás".
Os feitos aconteceron no seu domicilio familiar, situado na zona naronesa de Cornido, o 29 de decembro de 2015; polos que Fraga xa foi condenado no seu día, aínda que foi necesario repetir todo o proceso xudicial, con idéntico resultado.
"Á hora de impor a pena, a presidenta do tribunal do xurado tivo en conta a circunstancia agravante de parentesco e a atenuante de anomalía psíquica leve", subliñou o órgano xudicial.
A sentenza, con data de este mércores e publicada este xoves, reflexa que non hai "dúbida algunha de que o comportamento do acusado foi alevoso e que tal circunstancia se atopa xustamente apreciada para cualificar a morte sobre a base do artigo 139 do Código Penal". Ao mesmo tempo, incide en que se está en presenza dun delito contra as persoas".
O fallo do TSXG recorda que un "xurado popular considerou probado que Juan Fraga golpeou á súa muller e despois degolouna cun coitelo por detrás"
Segundo o seu relato, a agresión a Caridad Pérez, muller de Fraga, "ten lugar de forma súbita e inopinada; non hai posibilidades de defensa da vítima". De igual forma, aprecia que se utiliza un instrumento letal de gran potencia lesiva, pois chega a seccionar o pescozo da vítima limpamente", ademais de proferir "profundos cortes na cara e cabeza, determinando a morte da agredida".
Ao seu entender, "a sorpresa no ataque, certamente, serviu para asegurar o éxito do mesmo, producíndose o fatal desenlace".
Finalmente, o Tribunal Superior de Xustiza de Galicia remarcou que non comparte a tese da parte recorrente sobre os feitos, concretando que a "sentenza é meridianamente clara no seu razoamento ao asumir a aleivosía como elemento cualificador do asasinato".
"A consideración de Juan como autor da morte da súa esposa Caridade aparece incuestionable desde a ponderación dos numerosos indicios, racionalmente valorados", apostilou.
Ante este fallo cabe recurso de reposición, a interpor ante a sala segunda do Tribunal Supremo.