jueves. 16.09.2021 |
El tiempo
jueves. 16.09.2021
El tiempo

Os contaxios de covid descenden a 837 en Galicia e baixan a 303 os hospitalizados

Un sanitario efectúa un test do coronavirus. ROB ENGELAAR (Efe)
Un sanitario efectúa un test do coronavirus. ROB ENGELAAR (Efe)
A taxa de positividade redúcese a un 12% no conxunto da comunidade galega

A situación epidemiolóxica mellora en Galicia cun descenso xeneralizado dos indicadores ao reducirse a 837 os novos contaxios de covid-19 -tras caer por primeira vez o luns por baixo do milleiro en dúas semanas- e baixar a 303 os hospitalizados por este coronavirus -25 menos- e a 18.771 os casos activos. Tamén a taxa de positividade descende a un 12%.

Segundo os datos actualizados na mañá deste martes pola Consellería de Sanidade con rexistros de até as 18,00 horas do luns, recollidos por Europa Press, as persoas ingresadas pola covid-19 en Uci descenden lixeiramente a 42 -un menos-, mentres que os hospitalizados noutras unidades redúcense a 261, que supoñen 24 menos. Ademais, hai 18.468 pacientes en seguimento nos seus domicilios.

Por áreas sanitarias, a presión hospitalaria alíviase en todas, salvo na de Ferrol, que se mantén sen cambios con seis pacientes en Uci polo covid e 19 noutras unidades.

Deste xeito, na de Santiago e Barbanza caen a tres o críticos -un menos- e a 25 os ingresados noutras unidades -seis menos-; mentres que a da Coruña e Cee segue con 15 en Uci e reduce a 64 os doutras unidades -cinco menos-.

Na de Ourense descenden a cinco os pacientes covid en Uci -un menos- e a 36 os que permanecen ingresados noutras unidades -catro menos-; mentres que na de Vigo seguen dúas en críticos e caen a 43 os doutras unidades -catro menos-.

Polo seu lado, na área de Lugo seguen catro pacientes covid en Uci e baixan a 39 os doutras unidades -dous menos-; mentres que na de Pontevedra e O Salnés aínda que soben a sete o críticos -un máis-, descenden a 35 os doutras unidades -tres menos-.

CASOS ACTIVOS EN DESCENSO. Tamén se reducen os casos activos de covid-19 por segunda xornada consecutiva na comunidade galega até os 18.771, que supoñen 36 menos que a xornada anterior, ao haber máis altas (863) que contagios (837), ao que se engaden 10 falecementos.

Con respecto a hai unha semana, hai 710 infeccións activas máis que as 18.061 contabilizadas o martes 27 de xullo, após máis dun mes en ascenso continuo até este pasado sábado.

Por áreas sanitarias, baixan en catro do sete: Ourense (-48), Santiago e Barbanza (-42), Pontevedra e O Salnés (-31) e Lugo (-26); mentres que aumentan nas da Coruña e Cee (+89); Vigo (+13) e Ferrol (+9).

Así, con máis infeccións activas continúa a área de Vigo, con 4.590; seguida da da Coruña e Cee, con 4.091; Pontevedra e O Salnés, con 2.894; Santiago e Barbanza, con 2.260; Lugo, con 2.231; Ourense, con 1.715 e á cola segue a de Ferrol por baixo do milleiro, con 990.

MENOS CONTAXIOS. Pola súa banda, esta primeira semana de agosto mantense a tendencia descendente nos contaxios ao arrincar con menos de mil novos, após situarse por encima desa cifra desde o martes 20 de xullo, e caer a 837 este martes, que implican 102 menos que os 939 do luns.

En Galicia foron confirmados 878 positivos por Probas Diagnósticas de Infección Activa (PDIA) no último día (que poden corresponder a casos activos doutras xornadas aos que se realiza unha nova proba diagnóstica), que supoñen 27 menos que o día anterior, dos cales 302 corresponden á área da Coruña e Cee; 189, á de Vigo; 110, á de Pontevedra e O Salnés; 103, á de Lugo; 91, á de Santiago e Barbanza; 46, á de Ferrol; e 37, á de Ourense.

Por iso, os contaxiados de covid-19 desde o inicio da pandemia ascenden a 159.981 en Galicia, deles 37.097 na área da Coruña e Cee; 32.760 na de Vigo; 23.970 na de Santiago e Barbanza; 19.835 na de Ourense; 19.514 na de Pontevedra e O Salnés; 16.605 na de Lugo; e 10.200 na de Ferrol.

Galicia efectuou desde o inicio desta pandemia 2.581.388 PCR, que representan 6.012 máis que as rexistradas até a xornada anterior e unhas 300 máis que as feitas o día pasado.

En canto á taxa de positividade das PCR, descendeu a un 12 por cento após comezar esta semana cun repunte ao 14,98 por cento. Así, a Comunidade galega segue por encima dese 5% que establece a OMS para dar por controlada a pandemia, un limiar que, até fai catro semanas, non superaba desde o 15 de febreiro.

VÍTIMAS E CURADOS. As persoas falecidas diagnosticadas con covid-19 en Galicia ascenden a 2.474 após notificar as autoridades sanitarias este luns outro dez falecementos, todos eles pacientes con patoloxías previas, a cifra máis alta comunicada nunha xornada, aínda que as mortes producíronse en varios días, entre o pasado 30 de xullo e o 2 de agosto.

En concreto, Sanidade informou de que o pasado 30 de xullo faleceu unha muller de 93 anos no Complexo Hospitalario Universitario de Santiago (Chus) e o 31, unha muller de 95 no Complexo Hospitalario de Pontevedra (Chup).

O 1 de agosto rexistráronse cinco falecementos, dous deles no Hospital Universitario Lucus Augusti (Hula) -dun home de 79 anos e unha muller de 89-, dous no Complexo Hospitalario Universitario de Ferrol (Chuf) -dous homes de 94 anos-, e outro home de 87 no Hospital do Salnés.

Neste luns 2 de agosto Sanidade notificou tamén a morte de tres persoas: un home de 85 anos no Hula unha muller de 91 no Hospital do Salnés e outra anciá de 91 no Chup.

Pola súa banda, 138.762 pacientes curáronse deste coronavirus no conxunto de Galicia desde o inicio desta crise sanitaria, que representan 863 persoas máis que as rexistradas até o día anterior.

Os contaxios de covid descenden a 837 en Galicia e baixan a 303 os...
comentarios