A Garda Civil estableceu un control no paso fronteirizo entre Tui e Valença no que se está restrinxindo o tránsito de vehículos, tanto na ponte internacional como no antigo viaduto que sortea o río Miño.
Axentes da unidade de seguridade cidadá da Garda Civil están a permitir o paso de camións, mentres que ao resto de vehículos están a detelos dun nun e só están a deixar pasar aos condutores profesionais ou a quen estean a traballar. Aos demais están a obrigalos a dar a volta.
Os controis están a xerar retencións de escasa entidade, dado que o volume do tráfico na autovía A-55 é moi inferior ao habitual nun día laborable.