Os novos contagios por covid-19 detectados nas últimas 24 horas en Galicia experimentaron un repunte ata contabilizar 342, dos cales 329 foron confirmados a través de PCR, 97 máis que o martes.
Con todo, continúa a caída da incidencia acumulada, con 5.927 contagios activos, 69 menos que o martes, entre outras razóns porque o ritmo de altas é maior: este martes déronse 403. Mentres, a presión asistencial aumentou levemente.
Segundo as últimas estatísticas actualizadas do Servizo Galego de Saúde son 324 as persoas que permanecen hospitalizadas en planta (+2) e 51 en unidades de críticos (+1).
No último período analizado, ata as 18.00 horas deste martes, realizáronse 6.659 PCR, cunha taxa de positividade do 6,7 %, por encima do 5 % recomendado polas autoridades sanitarias.
Ata a data contaxiáronse por coronavirus en Galicia 55.077 persoas, das que 1.281 faleceron e curáronse 47.872; realizáronse 952.173 PCR e 429.663 test serolóxicos.
Vigo mantense como a área sanitaria con maior incidencia acumulada, con 1.499 contaxios activos, 18 menos que o martes, e a que máis novos contagios reporta, 75 nas últimas 24 horas, 16 máis.
A área menos afectada sigue sendo Ourense con 377 casos activos, os mesmos que o día anterior, a pesar de contabilizar 34 PCR positivas (+14), debido ao número de altas rexistradas.
