sábado. 04.12.2021 |
El tiempo
sábado. 04.12.2021
El tiempo

C's cuestiona a exclusión dunha aspirante pontevedresa a Garda Civil por celíaca

Guardia civil. DP
Un membro da Garda Civil. EP

O tribunal considerouna unha doenza dixestiva que lle impediría desempeñar as súas funcións de forma adecuada

Ciudadanos presentou dúas preguntas ao Goberno para que explique como é posible que a Garda Civil rexeitara o acceso á escala de oficiais dunha moza de Pontevedra por ser celíaca.

A moza, segundo Ciudadanos, superou con éxito todas as probas de acceso tanto as físicas, como as psicotécnicas e de idiomas, pero cualificouna de non "apta" tras a realización do exame médico, ao recoñecer ante o tribunal que era celíaca.

O motivo foi que o tribunal o considerou unha doenza dixestiva que lle impediría desempeñar as súas funcións de forma adecuada.

Todo iso a pesar de que a aspirante demostrou a través dun informe médico que a súa enfermidade está totalmente controlada desde os 4 anos que lle foi diagnosticada, non sendo xa que logo ningún impedimento, límite ou dificultade para a realización das súas funcións, segundo C's.

A moza foi deportista de elite en alta competición, o que supuña un adestramento de catro ou cinco días á semana durante tres horas.

O partido de Rivera recordou que na Policía Nacional non se aplica ese requisito, de modo que "parece que existe discriminación así como vulneración do principio de igualdade, dado que non hai diferenzas notables entre as funcións que podería desempeñar un inspector de policía ou un Garda Civil".

C's cuestiona a exclusión dunha aspirante pontevedresa a Garda...
comentarios