A moza lucense C.M., de 17 anos, dada por desaparecida desde as 22.00 horas da noite deste xoves, foi localizada durante a madrugada. Os seus pais deron o aviso despois de que a menor dixese que saía á rúa a baixar o lixo na Rúa Río Sil de Lugo e non regresase.
Ao ver que a súa filla non volvía, comezaron a chamar a outros pais e amigos da moza, sen obter dato ou información algunha sobre o seu paradoiro. A familia chegou a lanzar varios mensaxes en redes sociais para tratar de dar con ela e proporcionaron un teléfono de contacto para calquera que tivese información sobre o seu paradoiro.
Con todo, e a pesar da alarma desatada na cidade –miles de veciños de Lugo difundiron a noticia para axudar nos labores de procura–, a moza apareceu poucas horas despois no trasteiro da súa vivenda. A menor escondeuse aí logo de enfadarse ao ser castigada sen móbil polos seus proxenitores, quedándose durmida no lugar.
