domingo. 15.12.2019 |
El tiempo
domingo. 15.12.2019
El tiempo

Unha decena de zonas fluviais de Galicia contarán con plans de prevención contra inundacións

Ethel Vázquez anunciou as medidas este martes en Santiago. XUNTA
Ethel Vázquez anunciou as medidas este martes en Santiago. XUNTA
A medida prevé actuar nunha decena de zonas fluviais de Galicia que presentan risco de desbordamento

A conselleira de Infraestruturas e Mobilidade, Ethel Vázquez, avanzou este martes que a Xunta elabora plans de prevención e actuación para as nove zonas fluviais de Galicia con maior risco de sufrir inundacións por desbordamento.

En concreto, estas áreas son a contorna do río Umia, nos municipios de Caldas de Reis e Portas; a zona Ulla-Sar, en Padrón, Dodro, Rianxo, Rois, Catoira, Pontecesures e Valga; no río Anllóns, en Carballo; no Lagares, en Vigo; nos regachos de Bahíña e de Groba, en Baiona; no río Fontecova e no arroio Trasposta, en Viveiro; e o regacho de Campeda, en Vimianzo.

Vázquez adiantou estes plans este martes en Santiago, durante a apertura do evento O papel da enxeñería na redución dos riscos de inundación. Implementación de medidas nos concellos de Galicia, unha xornada de formación para técnicos organizada por Augas de Galicia en colaboración co Colexio de Enseñeiros de Camiños, Canais e Portos.

Neste contexto, a conselleira indicou que o seu departamento xa elaborou propostas de actuación para os concellos coruñeses de Vimianzo e de Carballo, en cuxos centros as inundacións "son frecuentes".

INUNDACIÓNS EN VIVEIRO. No caso de Viveiro, que hai un ano viviu un episodio de grandes riadas na parroquia de Xunqueira –unha muller chegou a perder a vida–, a Xunta presentará aos veciños "nas próximas semanas" o resultado dunha nova análise de actuacións urbanísticas necesarias para evitar riscos.

De feito, o proxecto de orzamentos autonómicos do 2020 reserva unha partida necesaria para financiar estas obras de forma conxunta coa Deputación e o Concello mariñán.

Respecto diso da xornada de formación, que se celebrou ao longo da mañá no Museo Pedagóxico de Galicia, a conselleira valorou que é unha cita "importante para achegar formación ao persoal que traballa coas administracións locais" e con Augas de Galicia.

Así, Vázquez admitiu que xa "houbo choivas estes días" que puxeron "en alerta" á súa consellería. Por iso, "o intercambio de coñecementos na materia é unha das mellores formas de buscar solucións".

Unha decena de zonas fluviais de Galicia contarán con plans de...
Comentarios