martes. 07.12.2021 |
El tiempo
martes. 07.12.2021
El tiempo

Declaran culpable ao home acusado de matar a outro de 57 puñaladas en Carballo

A Fiscalía e a acusación particular piden 22 anos e medio de prisión

O xurado declarou culpable de asasinato ao home acusado de matar a outro en Carballo tras asestarlle 57 coiteladas, segundo informa o Tribunal Superior de Xustiza de Galicia (TSXG). 

O xurado declarou por unanimidade a súa culpabilidade dun delito de asasinato con ensañamiento, así como doutro de tenencia ilícita de armas. 

Na lectura das conclusións, a Fiscalía mantivo a petición de 22 anos e medio de cárcere para o home —polos delitos de asasinato e outro de tenencia ilícita de armas— e argumentou que, ademais de provocarlle a morte, o procesado quixo causarlle "un dano innecesario" á súa vítima. 

Pola súa banda, a acusación particular rebaixou a pena de 28 a 22 anos e medio de prisión ao retirar o agravante de aleivosía. A defensa, mentres, mantivo a petición de eximente completa por consumo de drogas. 

Os feitos sucederon en decembro de 2017 nunha estrada de Carballo durante unha discusión motivada porque a vítima pedíalle ao acusado que lle dese unha maior cantidade da droga comprada tres días antes en Ferrol. 

Declaran culpable ao home acusado de matar a outro de 57 puñaladas...