A Policía Local de Vigo denunciou a un home de 42 anos por conducir un patinete eléctrico baixo os efectos de sustancias estupefacientes, concretamente opiáceos e anfetaminas, informaron fontes oficiais.
Foi sobre as 9.20 horas do luns cando unha patrulla observou como un home circulaba co seu patinete pola beirarrúa na zona de Camelias, entre os viandantes e a unha velocidade moi superior á de calquera peón.
Tras darlle o alto, os axentes detectaron en M.C.G. signos externos da posible influencia polo consumo dalgún tipo de sustancia estupefaciente, extremo que confirmou a proba á que foi sometido.
Os axentes procederon a cursar a correspondente sanción administrativa e á inmovilización e traslado do aparello ao depósito municipal.