A presión hospitalaria provocada pola terceira onda da pandemia de coronavirus redúcese lixeiramente en Galicia. Os datos publicados este martes pola Consellería de Sanidade reflicten que hai 1.278 persoas ingresadas con covid, 39 menos, con seis pacientes menos nas unidades de críticos (248), tras o pico alcanzado o día anterior.
Ademais, os casos activos continúan en descenso, nunha xornada na que se computan 794 menos. Si subiron, aínda que levemente, os contaxios nun día, ata
Sanidade notificou nas últimas horas 21 novos falecementos, co que son xa 1.988 as mortes atribuídas á pandemia en Galicia. A cifra acumulada de contaxios por covid-19 sitúase en 105.283, e a de curados, en 84.859.
A porcentaxe de PCR que dan positivo na comunidade, por baixo do 5%
O Sergas realizou na última xornada 11.527 probas PCR, 245 menos que o día anterior, cunha taxa de positividade algo inferior ao 4%, co que se mantén por baixo do limiar do 5% sinalado como alerta pola OMS. Ademais, efectuáronse 11.109 test de antíxenos, 90 máis.
Por áreas sanitarias, todas reducen o número de casos activos, aínda que tres delas, A Coruña, Vigo e, sobre todo, Pontevedra, superan os contaxios detectados por PCR respecto ao día anterior.
Deste xeito, a área da Coruña segue á cabeza en casos activos, con 5.103 (-58), tras sumar 172 casos novos (6 máis); seguida da de Vigo, con 3.012 casos activos (134 menos) e 81 novos contaxios por PCR (7 máis).
Na área de Pontevedra os casos activos alcanzan os 2.305, cunha redución de 178 con respecto ao día anterior, tras 78 PCR positivas (40 máis)
Baixan os casos activos e os novos contaxios detectados por PCR en Santiago de Compostela, a 2.724 (-208) tras 45 PCR positivas (-15); en Lugo, con 1.721 casos activos (-46) tras 41 PCR positivas (-9); e en Ferrol, con 1.596 casos activos (-65) tras 38 PCR positivas (-11). Na área de Ourense tamén descenden os casos activos, ata os 1.991 (105 menos), tras 34 PCR positivas (-9).
