lunes. 12.04.2021 |
El tiempo
lunes. 12.04.2021
El tiempo

Deteñen a un mozo que causou un accidente mortal en Santiago tras horas fuxido

Generated by  IJG JPEG Library
Estado no que quedou o coche do falecido tras o accidente. EP
Golpeou a outro coche e este embistió ao dun home que faleceu. O mozo, que viaxaba con tres amigos, foi detido na súa casa

Generated by  IJG JPEG LibraryA Garda Civil detivo na tarde do sábado ao condutor dun BMW Serie 1 (na imaxe) que, horas antes, sobre a unha da madrugada, provocou unha tripla colisión que segou a vida dun home de 57 anos na N-525 en Santiago.

Trátase dun mozo que reside na contorna da capital galega e que foi detido na súa casa en Boqueixón, despois de que pola mañá fose visto polo barrio compostelán do Castiñeiriño.

Neste sentido foi crucial a colaboración cidadá, pois durante boa parte do día difundíronse cadeas de Whatsapp para dar con este vehículo, advertindo de que estaría abolado polo lateral esquerdo, como comprobou a Garda Civil ao comisalo.

Os feitos ocorreron na N525 á altura de Marrozos, cando un Mercedes Clase A pasaba por un carril de adiantamento ao BMW e este realizou un xiro brusco —probablemente por mor dun derrape, tendo en conta que o pavimento estaba mollado e é tracción traseira— e chocou lateralmente co Mercedes, que perdeu o control e invadiu o carril contrario, polo que circulaba un Seat Eivissa gris cuxo condutor, veciño de Santiago, morreu no acto tras un impacto frontolateral. O do Mercedes ten un brazo roto.

O mozo arrestado podería declarar este mesmo domingo mesmo ante o xuíz.

Deteñen a un mozo que causou un accidente mortal en Santiago tras...
comentarios