A Garda Civil detivo a un veciño de Antas de Ulla que foi sorprendido nas proximidades de strong <>Pontevedra cando viaxaba cun arma de fogo ilegal no interior do vehículo.
Esta persoa foi detectada o pasado sábado pola noite, sobre as 23:30 horas, cando conducía un vehículo sen iluminación posterior, pola estrada N-541, á altura da parroquia de Bora, no municipio de Pontevedra,
Minutos despois, o vehículo foi interceptado á altura da localidade de Viascón co obxecto de informar o condutor do perigo que supuña para a seguridade viaria circular nesas deficientes condicións de visibilidade. Ao proceder á identificación do condutor e ante o estado de nerviosismo que mostraba, procedeuse ao rexistro do vehículo. No asento do copiloto localizouse unha mochila onde levaba unha pistola, supostamente de lume real, que estaba municionada con cinco cartuchos no cargador.
O condutor e único ocupante do vehículo, que resultou ser un veciño da localidade de Antas de Ulla (Lugo), de 62 anos, sen antecedentes policiais, foi detido por un suposto delito de tenencia ilícita de armas por carecer da preceptiva licenza. Do mesmo xeito, no vehículo localizouse unha arma branca de considerables dimensións que tamén foi intervida.
As dilixencias e o detido foron entregadas no Xulgado de Instrución de Instrución de Garda de Pontevedra, que decretou a súa liberdade provisional con cargos.
