A Garda Civil da localidade coruñesa de Milladoiro detivo a un home pola súa suposta participación na queima de sete vehículos na urbanización dos Tilos, en Teo.
Segundo informou o Instituto Armado, os feitos, ocorridos na urbanización Os Tilos na madrugada do pasado día 5 de marzo, "espertaron a inquedanza e alarma social entre os veciños da zona dada a magnitude dos mesmos".
Así, a Garda Civil, que desde o primeiro momento "dedicou grandes esforzos", segundo destacou, para localizar ao autor destes incendios, procedeu o martes á detención do presunto autor.
O individuo foi posto a disposición da titular do Xulgado de Instrución número 2 de Santiago de Compostela, que decretou a súa liberdade con cargos.
Detido o presunto autor da queima de sete vehículos nos Tilos, en Teo
O suceso espertou "a inquedanza e a alarma social entre os veciños", segundo a Garda Civil
