Detido en Portugal con 5 millóns de euros en cocaína procedentes de Galicia

No momento no que recibiu o alto dos axentes levaba 175 quilos desta droga, que "darían para producir preto de 1.750.000 doses individuais"
Cocaína. EP
photo_camera Cocaína. EP

A Policía Xudicial (PX) detivo na localidade de Mealhada, no centro de Portugal, a un español de 40 anos que transportaba desde Galicia 175 quilos de cocaína.

A captura ocorreu hai catro semanas, pero non se deu a coñecer ata este venres "para non prexudicar o desenvolvemento das investigacións", que se iniciaron o ano pasado con apoio da Garda Civil española, precisou a PX este venres nun comunicado.

O home detido transportaba a cocaína escondida nun camión de mercancías a través dun "elaborado mecanismo" para conseguir un fondo falso con capacidade para ata 300 quilos de estupefacientes.

No momento no que recibiu o alto dos axentes levaba 175 quilos, que "darían para producir preto de 1.750.000 doses individuais", cun valor estimado de ao redor de cinco millóns de euros.

As autoridades cren que o detido, que pasou a prisión preventiva, formaba parte dunha "organización criminal altamente organizada e sofisticada" que operaba en España e Portugal.

Por mor desta operación, a Garda Civil española realizou unha serie de dilixencias e practicou trece detencións en territorio español que, segundo a PX, fan pensar aos axentes que se desmantelou unha importante rede de tráfico de estupefacientes" na península Ibérica.