A Policía Nacional de Vigo detivo un home de 43 anos de idade como responsable de 19 roubos en diferentes lavanderías de Vigo e Redondela.
A investigación iniciouse fai máis dun mes tras recibir varias denuncias por roubos cometidos en lavanderías -autoservicios.
O detido accedía ao interior destes establecementos axudándose cunha panca, e cunha maza forzaba os discriminadores eléctricos das lavadoras e secadoras, así como a máquina de cambio.
A operación Wash finalizou tras a detención deste home despois de que os axentes que vixiaban un destes establecementos observáseno forzando o cajetín dunha máquina de cambio automatizada dunha lavandería da Travesía de Vigo. Tras intentar fuxir á carreira foi detido polos mesmos axentes.
O detido que xa pasou a disposición xudicial contaba con 17 antecedentes policiais anteriores, tiña unha orde de detención e dúas requisitorias xudiciais.
