A Policía Nacional de Ourense detivo a un home de 53 anos, natural de Vigo, como presunto autor dun delito de roubo con violencia e intimidación, tras atracar supostamente unha farmacia despois de ameazar a unha empregada cunha navalla e suxeitala polos brazos para que lle dese a recadación.
Os feitos tiveron lugar o pasado domingo 4 de agosto sobre as 16:45 horas cando dúas empregadas, que se atopaban na parte traseira do establecemento, escoitaron a unha persoa entrando no establecemento polo que saíron atendela.
Segundo informou a comisaría provincial, o presunto autor dos feitos introduciuse no mostrador a punta de navalla e suxeitou á traballadora polos brazos mentres lle pedía que lle dese o diñeiro da caixa rexistradora porque "estaba moi mal".
Nese momento, segundo a súa versión, o home entrou no mostrador coa navalla e díxolle a unha delas que lle dese o diñeiro porque "estaba moi mal" e, ao non ter as chaves, conduciuno á trastenda, onde se atopaba a outra traballadora.
Tras facerse coas chaves, o home fíxose finalmente coa recadación que ascendía "a 1.855 euros" e abandonou o lugar. Coa descrición achegada, os axentes conseguiron localizar a unha persoa que coincidía coas características, polo que procederon á súa detención como presunto autor do roubo con violencia e intimidación.
