Axentes da Policía Local de Santiago de Compostela detiveron a un home por un presunto episodio de violencia machista, informaron este luns fontes municipais nun comunicado.
Os feitos producíronse na mañá do domingo, cando a Policía Local recibiu unha chamada telefónica na que unha muller solicitaba a presenza policial na rúa Pastoriza debido ás agresións do seu marido.
Trasladados ao lugar, os axentes observaron na rúa á muller, vestida con pezas de cama e descalza, o que segundo a mesmas fontes, facía pensar que fuxira do seu domicilio por mor dos golpes recibidos do seu marido e das ameazas de morte cun coitelo realizadas polo mesmo, indica a versión policial.
A denunciante recibiu asistencia médica e foi trasladada a un centro hospitalario da capital galega.
Unha vez no domicilio onde ocorreron os feitos, os axentes da Policía Local atoparon á parella da denunciante e procederon á súa detención.
