martes. 07.12.2021 |
El tiempo
martes. 07.12.2021
El tiempo

A prisión un salesiano acusado de abusar de varios menores nun campamento de Cambados

Fachada del colegio Salesianos María Auxiliadora de Vigo. GSV
Fachada do colexio Salesianos María Auxiliadora de Vigo. GSV
O relixioso tería realizado os tocamentos mentres estaban durmindo

A Policía Nacional detivo un relixioso dos Salesianos de Vigo por supostamente realizar tocamentos a varios menores mentres durmían nun campamento de verán en Cambados, segundo informaron a Efe fontes da investigación. Un xulgado da localidade pontevedresa decretou o seu ingreso en prisión provisional comunicada e sen fianza, atendendo á información facilitada por fontes do Tribunal Superior de Xustiza de Galicia.

O xuíz impútalle varios delitos de abusos sobre menores de idade, en dous casos de forma continuada, detallan as fontes, que precisan que este martes prestaron declaración catro das supostas vítimas.

O relixioso foi sorprendido mentres realizaba os tocamentos por outros menores e polo menos tres familias presentaron denuncia en comisaría.

A partir de aí, o relixioso foi detido e xa pasou a disposición do Xulgado de Instrución 5 de Vigo, que se inhibiu a favor dos de Cambados ao ter lugar alí os feitos.

"COMPORTAMENTOS INADECUADOS". Por mor destes feitos, a dirección do colexio Salesianos María Auxiliadora de Vigo emitiu un comunicado no que sinala que informa de que o pasado sábado pola mañá varios que participaban nun campamento indicaron a unha educadora "algúns comportamentos inadecuados" por parte dun salesiano.

Uns comportamentos, abunda a dirección do centro no seu comunicado, "contrarios ao código de conduta para a protección de menores e adultos vulnerables que se aplica en todos os nosos centros".

A decisión do centro foi apartalo de forma inmediata do seu traballo cos menores e tratouse de aclarar" o sucedido cos mozos e coas familias, ás que se puxo á súa disposición e trasladoulles a apertura dun expediente informativo.

A dirección do colexio Salesianos María Auxiliadora de Vigo tamén indica no seu comunicado que se pon a disposición da Policía e das autoridades xudiciais para colaborar "en todo o que sexa preciso".

E engade que "baixo ningún concepto toleramos comportamentos que menoscaben a integridade dos mozos e mozas que as familias nos confiaron".

A prisión un salesiano acusado de abusar de varios menores nun...