A Policía Nacional ha detido a un home de 22 anos de idade como autor dun delito de lesións con arma branca tras cravarlle, supostamente, unha navalla a outro mozo nunha discusión nunha rúa de Vigo.
Os feitos producíronse ás 02:25 horas do xoves, cando segundo chamadas dos veciños, estaba a producirse unha pelexa na Praza de Portugal. Na chamada, segundo informa a policía, faise referencia a que un dos implicados tiña un brazo escaiolado.
Ao chegar unha dotación de Policía Nacional, observaron a tres mozos, duns vinte anos de idade, entre os que distinguía ao mozo do brazo escaiolado, que indicou aos axentes que foran agredidos por outros mozos que se escaparon correndo por cálea República Arxentina.
Outra das dotacións de Policía observou a outros tres mozos que saían do lugar a fume de carozo e ao paralos observaron que da parte superior da coxa dereita dun deles saía sangue.
Este mozo aseguroulles que cando mediaban nunha discusión, un home que levaba o brazo escaiolado sacou unha navalla negra e dourada e sen mediar palabra cravoulla na perna.
Os axentes descubriron a navalla mencionada tirada á beira dos mozos identificados en primeiro lugar, polo que se procedeu á detención do mozo co brazo escayolado.
O detido e todo o actuado pasou a disposición do Xulgado de Garda de Vigo.
