Un total de 17 persoas faleceron afogadas en Galicia no primeiro semestre deste ano, segundo a Real Federación Española de Salvamento e Socorrismo do Consello Superior de Deportes (CSD), que calcula en 122 o número de afogados no conxunto de España.
Segundo un informe do CSD, o número de falecidos en espazos acuáticos en España representa preto da metade que o ano anterior, unha redución de 42% no mesmo período, no que houbo 211 vítimas mortais.
O 78,8% dos mortos eran maiores de 35 anos e practicamente un de cada catro afogados tiña 75 ou máis anos. Un 82% das vítimas eran homes e un 69% era de nacionalidade española, segundo o documento.
Canarias encabeza a lista co maior número de afogados, con 22 vítimas seguido de Andalucía con 20 e Galicia, á que seguen Cataluña con 10, Comunidade Valenciana con 9, Illas Baleares e País Vasco con 8 cada unha, Asturias con 7, Castela e León con 5, Aragón (4), Cantabria (3), Estremadura, Murcia e Navarra (2) e Castela-A Mancha, Comunidade de Madrid e A Rioxa (1).
