Un total de doce organizacións e asociacións dedicadas á protección animal en Galicia interpuxeron unha denuncia colectiva no rexistro no Concello
As asociacións denuncian o comportamento do policía, polo modo no que o apartou e por non socorrelo nin ofrecerlle "asistencia veterinaria", segundo apuntan nun comunicado.
Nesta liña, a denuncia sinala que o modo no que actuou o axente incumpre "de xeito claro varios puntos da Lei 4/2017 do 3 de outubro, de protección e benestar dos animais de compañia en Galicia, así como os artigos 337 e 337bis do código penal, onde se expresa con claridade que o gato, nese momento estaba á súa mercé e abandonouno á súa sorte sen ofrecerlle ningún tipo de asistencia", segundo explica o comunicado.
Por iso, estas organizacións solicitan ao Concello que impoña ao axente "a sanción oportuna". Ademais, piden "que tanto desde o Concello como desde a Policía Local, chéguese ata o fondo do asunto e eleven ás autoridades pertinentes o caso".
Ademais, no escrito reivindican "unha formación continua e especializada en benestar animal aos axentes da autoridade".
Entre os asinantes de nbsp;o&comunicado figuran varias asociacións lucenses, sobre todo pertencentes á Mariña, como a Asociación Protectora de gatos da rúa Michos de Lugo, a Asociación Protectora de Animais Valadouro Alfoz, a Asociación Asistencial de Protección de Animais de Foz, a Asociación Asistencial Protectora de Animais Bigotes Burela ou a Asociación Protectora de Animais Coletiñas de Cervo.
