Os enfermos de Ela contactarán co seu centro sanitario cun lector ocular

A intención é estender o dispositivo a outros pacientes con trastornos neuromotores graves
Acto de la Asociación Gallega de Afectados de Esclerosis Lateral Amiotrófica en A Coruña. EP
photo_camera Acto da Asociación Galega de Afectados de Esclerose Lateral Amiotrófica na Coruña. EP

Os enfermos de esclerose lateral amiotrófica (Ela)  disporán en Galicia dun lector ocular para comunicarse cos seus centros sanitarios. O Servizo Galego de Saúde ultima o concurso para poder dispensalos no primeiro semestre de 2020.

Anunciouno este sábado o conselleiro de Sanidade, Jesús Vázquez Almuiña, nun acto da Asociación Galega de Afectados de Esclerose Lateral Amiotrófica na Coruña. Ademais, destacou que o Sergas xa adquiriu lectores para cada hospital público co obxectivo de garantir "a autonomía" dos pacientes con esta enfermidade. 

A intención é estender o dispositivo a outros pacientes con trastornos neuromotores graves que ven minguadas as súas capacidades comunicativas.

Almuiña informou tamén de que a definición dunha vía rápida dela en cada área sanitaria garantirá que as persoas cunha sospeita de padecer a enfermidade teñan unha consulta nos servizos de Neuroloxía antes dos 15 días. 

Comentarios