O paso do extremo de sucesivas frontes afectará esta semana especialmente ao noroeste peninsular, onde se esperan choivas, máis abundantes Galicia e o Cantábrico, pero con temperaturas algo máis altas do normal para estas datas.
Con todo, o fin de semana de Todos os Santos unha fronte máis activa entrará máis na Península e deixará un tempo chuvioso e con descenso térmico desde o sábado, segundo a Axencia Estatal de Meteoroloxía.
O portavoz da Aemet, Rubén del Campo, explicou que o máis destacado da semana é o paso de extremos de frontes durante a semana, mentres que a partir do venres, a situación tenderá a inestabilizarse e choverá de forma xeneralizada e sobre todo na metade oeste da Península.
Ademais, sinalou que ata o venres as temperaturas serán "tépedas" e con valores algo máis altos do normal para estas datas ata que o sábado descendan e adopten valores máis normais para a época.
En concreto, o portavoz precisou que este martes se prevén algunhas choivas en Galicia e Pireneos, as zonas onde máis choverá; o mércores, os extremos de frontes seguirán pasando deixando máis choiva na nosa comunidade, con algo de intensidade no oeste, onde incluso poden chegar a ser localmente fortes e acompañadas de tormentas.
En canto ao xoves, Del Campo sinalou que as choivas seguirán en Galicia, nas comunidades cantábricas, na meseta norte e no alto Ebro, é dicir, estenderanse un pouco máis cara ao interior.
Respecto da festividade de Todos os Santos e o resto da fin de semana, a Aemet prevé que siga a situación de choivas, sobre todo no noroeste peninsular e tamén nas comunidades cantábricas e Pireneos. En Galicia puden ser fortes ou persistentes e estas choivas poderán estenderse tamén ao resto da meseta norte, a Estremadura, outros puntos da meseta sur, Cataluña e Baleares.
Respecto ao sábado e o domingo o portavoz espera unha situación similar aínda que subliñou a posibilidade de que as choivas se estendan o sábado a outras zonas da metade oeste. "Será unha fin de semana chuvioso", agregou.
