Estrella Galicia consolida o seu papel como patrocinadora principal do Fórum Gastronómico da Coruña os próximos 10 a 12 de marzo, unha cita que suporá unha importante plataforma de difusión para a cociña galega e que converterá á capital herculina no punto do sector a nivel nacional.
Nun comunicado, Estrella Galicia informa das súas actividades neste marco, no que propón maridaxes interesantes cos seus produtos e con algúns dos chefs máis relevantes da cociña galega.
Entre outras, a compañía porá en marcha o luns día 11 unha nova edición do Campionato Estrella Galicia de Tiraxe de Cervexa, que recoñecerá a profesionalidade no servizo de cervexa dos profesionais hostaleiros.
Esta é unha das citas imprescindibles do salón, na que dez profesionais hostaleiros enfrontaranse a diversas probas de servizo de cervexa tanto desde billa como desde botella co obxectivo de demostrar a súa destreza e os seus coñecementos cervexeiros, e conseguir o cobizado título de Mellor Tirador de Cervexa de Galicia.
Nesta ocasión, os participantes son os mellor clasificados dos certames previos Galicia Norte e Sur, de modo que se prevé un nivel moi alto na competición, engade a nota.
A familia de cervexas 1906 encabeza ademais o Craft Beer Fórum, un espazo dentro do Fórum Gastronómico que servirá como plataforma de divulgación da cultura de cervexa e dará voz a cervexeiros artesáns de orixes diversas.
Na súa caseta, Hijos de Rivera acollerá propostas ao redor dos diferentes produtos do grupo empresarial, como as sidras Maeloc e os viños Ponte da Boga, e con todo iso Estrella Galicia pretende reforzar o seu papel como embaixador da gastronomía atlántica por todo o mundo.
