Un veciño de Carballeda de Avia, en Ourense, tivo que ser evacuado en helicóptero debido á gravidade das lesións provocadas pola caída dunha árbore.
Un familiar contactou co 112 Galicia pouco antes das seis da tarde deste luns para pedir axuda, xa que o ferido atopábase nunha zona de monte no lugar de Beiro de Abaixo, informou Emerxencias.
Finalmente, o home puido ser trasladado ata o domicilio, onde esperaba o equipo médico a bordo do helicóptero medicalizado con base en Ourense para efectuar a evacuación de urxencia.
Ademais, desde o 112, pediuse a colaboración dos voluntarios de Protección Civil da localidade e dos membros do GES de Ribadavia co obxectivo de colaborar cos profesionais sanitarios na atención do ferido.