Falece Ánxela Franco, deputada de Benestar Social e Igualdade na Coruña

A política estaba convencida de que as institucións tiñan que apoiar ás persoas máis desfavorecidas e iso foi o que defendeu con enerxía

Ánxela Franco. TWITTER
photo_camera Ánxela Franco. TWITTER

A deputada Ánxela Franco, responsable nestes últimos catro anos das áreas de Igualdade e Servizos Sociais na Deputación da Coruña, faleceu, segundo informou esta tarde a institución provincial nun comunicado.

A Deputación coruñesa ha expresado o seu pesar pola morte de Ánxela Franco, que formou parte do goberno provincial neste mandato que termina e no que desenvolveu un intenso labor ao pór en marcha programas como Compartimos Plan, Plan de Acción de Servizos Sociais "Rede de Concellos para o Benestar" ou Dicoruna Accesible.

Ademais, impulsou proxectos para contribuír á eliminación da violencia machista como Suprime ou control ou Quen dixo medo.

A deputada, recorda a institución provincial, estaba convencida de que as institucións tiñan que apoiar ás persoas máis desfavorecidas e iso foi o que defendeu con enerxía desde o goberno da Deputación da Coruña.

O presidente e a vicepresidenta da Deputación da Coruña, Valentín González Formoso e Goretti Sanmartín Rei, respectivamente, os demais membros do goberno e toda a corporación lamentan a súa morte.

Comentarios