jueves. 22.10.2020 |
El tiempo
jueves. 22.10.2020
El tiempo

Falece o ciclista de 72 anos que foi atropelado por un turismo na N-525

Complexo Hospitalario Universitario de Ourense (CHUO). EP
Complexo Hospitalario Universitario de Ourense (CHUO). EP
Veciños da zona aseguran que era habitual que circulase coa súa bicicleta "de noite, sen facer uso do casco, sen chaleco nin iluminación"

O ciclista de 72 anos, veciño de Calvos de Randín, que resultou atropelado por un turismo este domingo na N-525, na localidade ourensá de Xinzo de Limia, faleceu este luns como consecuencia do accidente. O tráxico suceso ocorreu ás 19.30 horas, á altura dos concesionarios de automóbiles.

Sobre esa hora, este servizo de urxencias tivo constancia do accidente a través do 061-Urxencias Sanitarias, que mobilizou ata o punto unha ambulancia de soporte vital avanzado e outra de soporte vital básico con persoal da PAC de Xinzo.  Pola súa banda, o Centro Integrado de Atención ás Emerxencias (CIAE) 112 informou os bombeiros do municipio, á Garda Civil de Tráfico, a Protección Civil da localidade e ao servizo de mantemento da estrada. 

Veciños da zona aseguran que era habitual que circulase coa súa bicicleta "de noite, sen facer uso do casco, sen chaleco nin iluminación".

Unha das ambulancias do 061 encargouse da evacuación do septuaxenario ao Hospital de Ourense. De acordo con fontes da Subdelegación do Goberno consultadas por Europa Press, o condutor do turismo implicado resultou ileso. 

Falece o ciclista de 72 anos que foi atropelado por un turismo na...
comentarios