Un veciño de Alcobre, de iniciais E.S.V., de 67 anos, faleceu este sábado pola noite vítima dun accidente de tractor en Vila de Cruces. O sinistro produciuse no mesmo lugar de Alcobre, na estrada que vai a Piloño.
Por causas que están por determinar, o tractor saíuse da vía e acabou nun pequeno terraplén, contra unha árbore. O corpo do falecido atopouse a uns metros da máquina. Os Bombeiros do parque intercomarcal de Silleda recibiron o aviso do accidente ás 22.09 horas. Xunto a eles traballan no punto unha ambulancia do 061 e a Garda Civil.