Un motorista faleceu á primeira hora da madrugada deste sábado nun accidente ocorrido na N-VI, á altura de O Ceao.
A moto que pilotaba saíuse da estrada pola marxe esquerda por causas que se descoñecen. Ocorreu á altura do quilómetro 506, ao paso da estrada polo polígono. O sinistro rexistrouse ás 00.05 horas.
Estas é a terceira morte nas estradas galegas en apenas 24 horas. A primeira produciuse o venres pola mañá: un profesor xubilado de 72 anos foi atropelado na Pontenova.
Ademais, xa este sábado de madrugada rexistrouse outra vítima mortal no municipio coruñés de Ordes. Un turismo saíuse da vía no lugar de Vilariño, na rotonda do polígono industrial. Un dos ocupantes faleceu.
Por outra banda, en Carballo e en O Carballiño rexistráronse senllos accidentes tamén de madrugada nos que tres persoas resultaron feridas.
