Unha muller de 72 anos faleceu este venres nun accidente de tráfico que tivo lugar na estrada N-550 ao seu paso por Pontevedra.
Segundo informaron o 112 Galicia, o sinistro produciuse ás 13.25 horas no lugar de Tilve, na parroquia pontevedresa de Cerponzóns.
O coche, que conducía o marido da vítima, saíuse da estrada e caeu por un terraplén de varios metros de altura.
Ao lugar trasladáronse axentes da Garda Civil de Tráfico e efectivos do 061 que tan só puideron certificar a morte da muller.
O outro ocupante do vehículo resultou ferido leve.
