Unha muller de idade avanzada foi achada morta este sábado na súa casa de Ramiráns, no municipio pontevedrés da Estrada. Todo apunta a que a vítima faleceu por mor dun incendio que se produciu na vivenda durante a madrugada.
Foron os seus fillos quen a atoparon nunha habitación ao fío do mediodía. Deron aviso e ata o lugar, na parroquia de Santo André de Vexa, acudiron efectivos de Emerxencias A Estrada, que se atoparon a cociña e algúns mobles calcinados.
A Garda Civil abriu unha investigación para esclarecer os feitos.
#AXEGAInforma dunha muller falecida na súa casa, en Ramiráns, A Estrada, posiblemente a causa dun incendio producido durante a noite. Os efectivos de @emerx_aestrada atoparon a cociña e algúns mobles calcinados e os axentes de @guardiacivil aclaran arestora os feitos. pic.twitter.com/PWjWpavz18
— 112Galicia (@112Galicia) 6 de abril de 2019