Falece un operario en Cambre ao caer dun tellado

O persoal sanitario desprazado ata o lugar non puido facer nada por salvar a vida do traballador

Un operario faleceu na tarde deste mércores no municipio coruñés de Cambre ao precipitarse desde un tellado no que se atopaba traballando.  Segundo os datos dos que dispón o 112-Galicia, o suceso ocorreu sobre as 19.00 horas no lugar da Barcala. 

Ata a zona desprazáronse efectivos de Policía Local, Protección Civil e Garda Civil, así como persoal sanitario do 061 que, con todo, nada puido facer por salvar a vida do home.