domingo. 15.12.2019 |
El tiempo
domingo. 15.12.2019
El tiempo

Falece o xornalista galego Pablo López Orosa aos 34 anos

O xornalista galego Pablo López Orosa faleceu este venres aos 34 anos, poucos días despois de chegar de realizar o seu último traballo en Mozambique, segundo informa a cadea Ser.

Pablo López Orosa, nunha imaxe da súa web. EPO xornalista e escritor, que comenzou a sentirse mal hai uns días, dedicou boa parte da súa carreira a traballar como freelance especializado en coberturas internacionais. "Desde 2013 percorro o mundo contando historias", explicaba na súa páxina web.

"Percorrín Oriente Medio, Sueste Asiático e América Central contado as ausencias da posguerra iraquí e o conflito kurdo; narrando a morte de linguas milenarias ou o xenocidio da minoría rohingya en Birmania; ou tratando de entender por que en Guatemala a sociedade camiña mirando cara a atrás. Agora avanzo polo Corno de África". O seu traballo publicouse en medios como La Marea, El Mundo, Frontera D, Gara, El País, Luzes, Sea Globe ou EsGlobal.

López Orosa (Oza dos Ríos, 1985) publicou en 2018 o libro Fálame do silencio (Xerais) e recibiu o XII Premio de Xornalismo Solidario Joan Gomis pola súa reportaxe "A tregua dos zapatos".

Licenciado en xornalismo pola Universidade Complutense de Madrid, comezou a súa carreira en Onda Cero e na axencia Efe, ademais de traballar noutros medios como La Opinión A Coruña.

Falece o xornalista galego Pablo López Orosa aos 34 anos