A morte dunha muller de 68 anos e de tres homes de 93, 74 e 81 que estaban ingresados no Complexo Hospitalario Universitario A Coruña (Chuac) eleva a trece o número de persoas falecidas en Galicia con coronavirus.
As autoridades sanitarias informaron este sábado destas novas defuncións, e sinalan que os catro pacientes tiñan patoloxías previas.
Estes casos coñécense tras un venres no que morreron outras catro persoas infectadas ingresadas en centros hospitalarios da comunidade.
Das trece persoas que morreron con coronavirus en Galicia, oito estaban hospitalizadas na Coruña (homes de 93, 81, 79, 75, 74, 72, 70 e 45 anos), outra en Monforte, unha en Pontevedra -un ancián de 81 anos-, e outras dúas mulleres nonaxenarias en Vigo e Ourense.
O Servizo Galego de Saúde ten a disposición da cidadanía a páxina web coronavirus.sergas.gal, na que se pode consultar información dirixida á poboación, aos profesionais sanitarios e a outros colectivos.
