Galicia alcanzou as 740 mortes desde o inicio da pandemia tras producirse nas últimas horas catro novos óbitos de anciáns infectados de coronavirus, ningún deles relacionado con residencias de maiores, segundo informou a Consellería de Sanidade. Trátase dun home de 86 anos, outra muller da mesma idade e un home de 81 que estaban ingresados no Complexo Hospitalario Universitario de Ourense ( CHUO) e tamén un octoxenario, de 83, atendido no Complexo Hospitalario Universitario de Santiago (CHUS). Todos eles presentaban patoloxías previas.
Ademáis, a comunidade detectou outros 159 positivos por covid-19 tras rexistrar 210 novas altas de pacientes, o que sitúa os casos activos en 4.297, que volven baixar –56 menos–.
Segundo os datos actualizados este martes pola Consellería de Sanidade, os casos activos han baixado en todas as áreas sanitarias agás na de Ourense, onde experimentaron un incremento de 13 ata os 756.
Mentres, na área sanitaria de A Coruña descenderon en 22 con respecto ao luns ata situarse nos 977; na de Lugo caeron ata os 539 –13 menos–; na de Pontevedra, a 793 –18 menos–; na de Santiago a 572 –11 menos–; na de Vigo a 510 –dúas menos–; e na de Ferrol baixaron a 150 –tres menos–.
En canto aos pacientes curados na comunidade galega aumentaron a 18.744, o que supón 210 máis que os rexistrados na xornada do luns. Ademais, ata a data en Galicia faleceron 736 persoas con covid-19, as últimas cinco vítimas foron notificadas na tarde do luns.
Ademais, a comunidade galega incrementou as PCR realizadas ata
