O presidente da Xunta, Alberto Núñez Feijóo, agradeceu este luns á Fundación Pontegadea de Amancio Ortega doar máis de 300 millóns de euros durante a crise ao Sistema Nacional de Saúde Español.
Así o asegurou no acto de entrega dos Premios de Investigación Oncolóxica Ramiro Carregal, onde tamén recordou que a do dono de Inditex é unha fundación galega que empezou a traballar co Sergas.
"A oncoloxía é un exemplo de suma", dixo, na que participan "os investigadores, os médicos, os hospitais, as administracións, os estados e tamén os mecenas", eses últimos, "no caso de Galicia facilitáronnos ter hoxe unha radioterapia punteira", explicitou.
Nesta liña, Núñez Feijóo cualificouna de actuación "sen precedentes", xa que "en España e en ningún outro país do mundo" coñeceu a un "mecenas que facilite unha doazón deste alcance".
