Feijóo asegura que "en Galicia non é necesario aplicar a fórmula España Suma"

O presidente da Xunta sostén que "en contra dos intereses xerais, todo parece indicar que a Sánchez interésanlle novas eleccións" 
Feijóo junto a Rajoy. EFE
photo_camera Feijóo xunto a Rajoy. EFE

O presidente da Xunta de Galicia, Alberto Núñez Feijóo, sostivo que "en Galicia non é necesario o proxecto España Suma" de Casado porque "en Galicia xa existe unha fórmula que suma á inmensa maioría dos galegos que é o Partido Popular". 

Agora ben, o presidente do Goberno autonómico referiuse ao proxecto España Suma para "frear que a esquerda de Sánchez, de Podemos e o independentismo catalán". Ademais, desexoulle "éxito" a un proxecto que, desde o seu punto de vista, "ten toda a seriedade". 

Así mesmo, Feijóo incidiu en que "non creo que Génova impoña nada, ao contrario, está a ofrecer a oportunidade de facer fronte á inestabilidade política española", dada a posibilidade dunhas cuartas eleccións. 

"O feito de que un partido político faga unha proposta con luz e taquígrafos antes dunhas eleccións para intentar unha coalición preelectoral paréceme algo bastante máis serio que este xogo de tronos que ocorre neste momento no noso país entre Podemos, o PSOE e os independentistas cataláns e vascos", subliñou o presidente da Administración autonómica. 

Alberto Núñez Feijóo manifestou que cre que "unha persoa ten dereito a estar dous días e medio fóra do seu despacho pero en comunicación permanente

Por outra banda, Feijóo lamentou que en España se está empezando a hacer política con minúsculas" e vaticinou que "ocorrerá o que queira o candidato Sánchez". "Se lle interesa novas eleccións haberaas e todo parece indicar que así será, en contra dos intereses xerais", precisou.

FEIJÓO DEFENDE AO PRESIDENTE DA XUNTA DE ANDALUCÍA. Á marxe do panorama político español e galego, o presidente do Goberno galego tamén foi preguntado pola súa opinión ao respecto das críticas vertidas polo PSOE andaluz contra o seu homólogo na Xunta de Andalucía, Juanma Moreno, por atoparse de vacacións durante a grave crise sanitaria provocada pola listeriosis. 

A este respecto, Alberto Núñez Feijóo manifestou que cre que "unha persoa ten dereito a estar dous días e medio fóra do seu despacho pero en comunicación permanente cos demais responsables da Xunta", como así "lle consta", segundo dixo, que fixo Juanma Moreno. 

"Hai políticos en España que acreditan que cando hai problemas seguen coas súas vacacións un mes, mentres que hai outros que cando isto ocorre cóllense dous días e medio dun período de trinta", declarou. 

Comentarios