O presidente da Xunta de Galicia e do PP galego, Alberto Núñez Feijóo, seguiu este venres sen decantarse por ningún dos dous candidatos a liderar o partido porque considera que o importante é que salga un líder "sen tutelas, nin tutías", parafraseando o fundador do PP, Manuel Fraga.
En declaracións tras o discurso de despedida de Mariano Rajoy, no congreso extraordinario do partido, Feijóo valorou que fixo "o correcto", ao non mencionar a ningún dos candidatos na súa última intervención, e demostrou a súa "coherencia" ao dicir que ía ser neutral e selo "ata o último minuto". Para Feijóo é moi difícil despedirse "con máis grandeza, máis sinceridade e humildade" que o actual presidente do partido e destacou o seu ensino como "político sólidos nestes tempos líquidos".
Feijóo instou os compromisarios a votar en liberdade, porque cada un ten que dicir que cre que o mellor para o partido, e indicou que o máis importante é que "o compañeiro ou compañeira" que presida o partido "salga sen presións e sen o dedo infalible dun presidente autonómico ou varios". Recordou que el mesmo o reclamou cando se presentou candidato a suceder a Manuel Fraga, á fronte do partido en Galicia, hai doce anos.
"Se todos votamos líbremente o líder ou a lideresa que salga vai ser indiscutible e vai saír, como diría Fraga, sen tutelas e sen tutías, e esa é a clave para un liderado forte", que sexa resultado non do que digan os dirixentes, senón os afiliados na primeira volta e os compromisarios na segunda.
O propio Casado utilizou este mesmo venres, do mesmo xeito que noutras ocasións, a frase de Fraga para agradecer a Rajoy que permita facer un congreso libre", sen tutelas, para elixir ao seu sucesor á fronte do partido e manteña a neutralidade en todo momento.
