Feijóo presenta un plan con 50 millóns para impulsar a agricultura ecolóxica

A iniciativa pretende conseguir un "crecemento sostido" dese sector, mediante o incremento en 8.000 hectáreas da superficie certificada, ata alcanzar as 40.000 en toda Galicia

Alberto Núñez Feijóo, en Abadín. ELISEO TRIGO (EFE)
photo_camera Alberto Núñez Feijóo, en Abadín. ELISEO TRIGO (EFE)

O presidente da Xunta de Galicia, Alberto Núñez Feijóo, presentou este martes no municipio lucense de Abadín o Plan Estratéxico de Produción Ecolóxica 2018-2022, dotado con cincuenta millóns de euros para conseguir un "crecemento sostido" dese sector, mediante o incremento en 8.000 hectáreas da superficie certificada, ata alcanzar as 40.000 en toda Galicia.

Feijóo estivo acompañado polas conselleiras do Medio Rural e do Mar, Ángeles Vázquez e Rosa Quintana, respectivamente, así como polo presidente do Consello Regulador de Agricultura Ecolóxica de Galicia (Craega), Francisco López, entre outras autoridades.

Durante a súa intervención, defendeu que "a medida que avanza o poder adquisitivo dos cidadáns pedirán máis produtos ecolóxicos, pagarán a diferenza", polo que o plan deseñado pola Xunta de Galicia en colaboración co propio sector pretende ser "útil" para desenvolver un "crecemento sostido" da produción.

Dos cincuenta millóns de euros cos que está dotado este plan para os próximos cinco anos, Feijóo recordou que "máis de 27 millóns van destinados", precisamente, a apoiar "a produción", mentres que outros 14 millóns van destinados á transformación e á elaboración, 4 millóns máis son para axudas á comercialización e máis doutro millón de euros para actividades de promoción. Tamén se reservan 3 millóns de euros para estudos de investigación, que permitan optimizar a produción e o desenvolvemento de novos produtos, e medio millón de euros para a "articulación" do propio sector a través do consello regulador.

Recordou que o plan presentado este martes está "capitaneado" polo propio sector, dado que foi elaborado logo de escoitar "á xente que sabe disto".

"É unha folla de ruta do que queremos facer, para non improvisar, para non discutir e para non perder o tempo", engadiu.

"Garante un crecemento sostido da agricultura ecolóxica en Galicia", dixo Feijóo, con strong <>a previsión de conseguir 230 novos contratos, "como mínimo", ata o ano 2021.

O presidente da Xunta precisou que entre os anos 2008 e 2017 dobrouse o número de produtores e de operador certificados —na actualidade hai 1.067 operador certificados— e o obxectivo é seguir crecendo, do mesmo xeito que en hectáreas certificadas, concretamente "nun 20% máis".

Feijóo destacou que o plan tamén ten como fin a creación dunha plataforma en liña de compra e venda de materias primas, para apoiar aos operadores na cadea de distribución, así como de ampliar o coñecemento técnico a través de programas formativos específicos.

Tamén destacou a proposta para crear unha mesa de produción ecolóxica que vertebre a relación do sector coa Administración, así como incidir no apoio á fixación de poboación no rural galego.

"A produción ecolóxica xa non é unha moda pasaxeira", engadiu, "vén para quedar e cada vez imos falar máis de produción ecolóxica", porque "cada vez máis os compradores de leite, queixo, carne, mexillón van pedir que teñan unha trazabilidad ecolóxica".

"Temos datos que acreditan que imos por un camiño ascendente de forma continuada. Temos que seguir, porque non acabamos máis que de iniciar o despegamento", dixo o presidente da Xunta, con 20 "industrias dedicadas á elaboración de produtos lácteos ecolóxicos e con 67 industrias de produción de carne ecolóxica, ocupando o terceiro posto na clasificación estatal".

Comentarios