O PP reconquista a condición de forza máis votada en Galicia nas eleccións xerais deste domingo, pero empata a 10 escanos co PSOE, partido ao que saca unha escasa vantaxe de algo menos dun punto.
En clave autonómica, Feijóo sae deste xeito do 10-N reforzado de cara ás eleccións autonómicas. Tras ceder en abril o primeiro posto nos comicios, os populares recuperan a primeira praza, unha barreira psicolóxica que conquistaron de cara á que previsiblemente será a seguinte cita electoral.
Pola súa banda, o BNG logra volver ao Congreso cun deputado, mentres que En Común-Unidas Podemos retén as dúas prazas ás que retrocedera o 28 de abril. Pola súa banda, Ciudadanos perde as dúas actas que obtivera.
Nesta ocasión, o PSOE só logra ser a primeira forza política na provincia de Pontevedra, mentres Lugo, A Coruña e Ourense quedan baixo o control popular.